നാം അറിയാതെ പോകുന്നത്... (മൂന്ന്)

(കത്ത് ---------- ഭാഗം 03)

അസ്സലാമു അലൈകും.

എന്‍റെ ചങ്ങാതീ, എന്തൊക്കെയാ വിവരങ്ങള്‍? സുഖമല്ലേ? കുടുംബക്കാരോടും കൂട്ടുകാരോടും എന്‍റെ അന്വേഷണങ്ങള്‍ പങ്കുവെക്കണേ,

സഹോദരാ, എന്‍റെ ചില ബ്ലോഗ് അഡ്രസുകള്‍ ഇവിടെ കുറിക്കുന്നു. തരം കിട്ടിയാല്‍ വായിച്ച് നോക്കി, പ്രതികരണം കുറിക്കണം.
http://subikkuttan.blogspot.com/
http://zubimahboobi.blogspot.com/
http://subumahboobi.blogspot.com/
സത്യത്തിന് വേണ്ടി ഒരു അന്വേഷണം എന്ന ശീര്‍ശകത്തില്‍ ആറ് ഭാഗങ്ങളിലായി ചിലതെല്ലാം ഞാന്‍ അവിടെ കുറിച്ചിട്ടിട്ടുണ്ട്. അവയില്‍ ഏതാണ്ടെല്ലാം ഞങ്ങളുടെ ഈ സംസാരത്തില്‍ വന്നിട്ടുമുണ്ടായിരുന്നു. നിങ്ങള്‍ക്ക് ഞാന്‍ എഴുതുന്ന ഈ കത്ത് ഇതുപോലെത്തന്നെ ‍ഞാന്‍ ഒരു ബ്ലോഗ് തുറന്നു.
http://zmahboobi.blogspot.com/

നമ്മുടെ കത്തിന്‍റെ രണ്ടാം ഭാഗത്തിന്‍റെ തുടര്‍ച്ച ഇവിടെ കുറിക്കുന്നു..

(ഞ: ഞാന്‍; അ: അപരന്‍)
.........................................................................
.........................................................................
.........................................................................
.........................................................................

ഞ കട്ടന്‍ ചായ (സുലൈമാനി) നല്ല രസമാ.. ഒരു ഉന്മേശവും ഉഷാറുമൊക്കെ ഉണ്ടാവാന്‍ നല്ലതാ, അല്ലേ?

അ പിന്നല്ലാതെ, ഇന്‍റെ കെട്ട്യോളോട് എടക്കെടക്ക് കട്ടന്‍ ചായ ഉണ്ടാക്കിച്ച് എന്‍റെ പേര് തന്നെ കട്ടന്‍ കാക്കാ എന്നായിരിക്കാ.. ഹ.. ഹാ..

ഞ അതേതായാലും നന്നായി. കുറേ മുന്പൊരിക്കല്‍ എന്‍റെ ഉസ്താദിന്‍റെ വീട്ടില്‍ ഞാനും എന്‍റെ ഉറ്റ സുഹൃത്ത് ഹിദായത്തുല്ലയും പോയപ്പോള്‍ ഒരു പാട് കട്ടന്‍ ചായ കുടിച്ചത് ഓര്‍മ്മയുണ്ട്. പിന്നീടങ്ങോട്ട് കട്ടന്‍ ചായ വല്യ കന്പമായി.

അ ആ... പിന്നെയ്, ഉസ്താദോ... ആരാണീ ഉസ്താദ്?...

ഞ ആ.. അത് പറയാം.. ഞാന്‍ ഇപ്പോള്‍ ഉപകാരപ്രദമായ വല്ലതും പറഞ്ഞിട്ടുണ്ടെങ്കില്‍ അതൊക്കെയും ആ മഹത് ഗുരുവിന്‍റെ ശിക്ഷണത്തില്‍ ലഭിച്ച കാര്യങ്ങളാണ്. എന്നാലും, ഇത് വരെയും ഞാന്‍ ഒന്നും തന്നെ പറഞ്ഞിട്ടില്ല. പറയേണ്ട കാര്യങ്ങള്‍ ഏറെ ഗൗരവം നിറഞ്ഞവയാണ്. അവയിലേക്കുള്ള ചവിട്ടു പടികള്‍ കയറാനുള്ള ഒരുക്കങ്ങള്‍ മാത്രമാണീ സംസാരം. ഇന്‍ശാ അല്ലാഹ്.. റബ്ബ് നന്മുടെ ഹൃദയങ്ങള്‍ക്ക് വിശാലത നല്‍കട്ടെ.

അ ആ ഉസ്താദ് ഇപ്പോള്‍ എവിടെ..?

ഞ എന്‍റെ ഗുരുനാഥനെക്കുറിച്ച് ഞാന്‍ പിന്നീട് വിശദമായി പറയാം.. ആദ്യം തുടങ്ങി വെച്ച കാര്യങ്ങള്‍ ചെറുതായെങ്കിലും ഒന്ന് മുഴുമിപ്പിക്കട്ടെ.

അ ശരി.. ആ സുഹൃത്തിനെയും എനിക്ക് പരിചയപ്പെടുത്തിത്തരണേ...
ആ.. നമുക്കിനി പറയാനുള്ളത്, നാം എവിടെ നിന്ന് വരുന്നു എന്ന കാര്യത്തെക്കുറിച്ചാണ്..
ഞാനൊന്ന് പറ‍ഞ്ഞ് നോക്കട്ടേ..യ്..

ഞ ഊം... എന്താ..?

അ അതല്ല..., മനുഷ്യനില്‍ ശരീരവും ആത്മാവുമുണ്ടെന്ന് പറഞ്ഞല്ലോ.. അങ്ങിനെയെങ്കില്‍...

ഞ ശ്ശെടാ.. അപ്പോ.. ഇതൊക്കെയും വെറും പറച്ചലേ ആയുള്ളൂ..?

അ ഹൊ! ഇയാളുടെ ഒരു കാര്യം! ഞാന്‍ അങ്ങിനെ പറഞ്ഞതല്ല, സംഗതി അങ്ങിനെത്തന്നെയാണ് എന്ന് മനസ്സിലാക്കിയതില്‍ നിന്നാണ് ഞാന്‍ പറഞ്ഞ് വന്നത്..

ഞ ആ.. ഇപ്പഴാണ് ശരിയായത്.. ഇനി പറയിം.. കേള്‍ക്കട്ടെ..

അ അതെയ്... മനുഷ്യന്‍റെ ശരീരവും ആത്മാവും രണ്ടും രണ്ടാണല്ലോ.. അങ്ങിനെ വരുന്പോള്‍ ശരീരം എവിടെ നിന്ന് വരുന്നു എന്നും ആത്മാവ് എവിടെ നിന്ന് വരുന്നു എന്നും കണ്ടെത്തേണ്ടി വരില്ലേ?...

ഞ കറക്റ്റ്! ഇപ്പോള്‍ നിങ്ങള്‍ ശരിക്കും കാര്യങ്ങള്‍ ഗ്രഹിക്കുന്നുണ്ട്. അല്‍ഹംദു ലില്ലാ..ഹ്! എത്രയെത്ര ആളുകള്‍ ഇത്ര പോലും ചിന്തിക്കാതെ നമുക്കിടയില്‍ തന്നെ ജീവിക്കുന്നു? അല്ലേ?

അ ശരിയാ.. നമുക്ക് ഇങ്ങിനെയൊക്കെ പരിചയപ്പെടാനും സംസാരിക്കാനും കാര്യങ്ങള്‍ കൈമാറാനും റബ്ബ് നല്‍കിയ അനുഗ്രഹം അപാരം തന്നെ! അല്‍ഹംദു ലില്ലാ..ഹ്!

ഞ നിങ്ങള്‍ പറഞ്ഞത് തീര്‍ത്തും ശരിയാണ്. ശരീരവും ആത്മാവും വ്യത്യസ്തമായിത്തന്നെ നമുക്ക് ചര്‍ച്ച ചെയ്യേണ്ടതുണ്ട്.

അ ശരീരം വരുന്നത് മണ്ണില്‍ നിന്നല്ലേ സുബൈറേ...?

ഞ തീര്‍ച്ചയായും മണ്ണില്‍ നിന്നു തന്നെ.. എന്നാല്‍ അക്കാര്യം ചിന്തിക്കാവുന്ന രീതിയില്‍ ഒന്നു വിവരിച്ച നോക്കിം.. പറയൂ.. ശരിയായിരിക്കും..

അ അത്.. മണ്ണില്‍ നിന്ന് എന്ന് പറയുന്പോള്‍.. മനുഷ്യരെ അല്ലാഹു മണ്ണില്‍ നിന്ന് സൃഷ്ടിച്ചതല്ലെ..?

ഞ ശരിയാ.. ഒരോ മനുഷ്യനെയും മണ്ണില്‍ നിന്നാണ് സൃഷ്ടിക്കപ്പെടുന്നത്. നമുക്കൊക്കെ അറിയാവുന്ന ഒരു വിഷയമാണ് ഓരോ മനുഷ്യന്‍റെയും പിറവി. അതെ, സ്ത്രീ പുരുഷന്മാരിലെ ബീജവും അണ്ഡവും തമ്മിലുള്ള ബന്ധത്തില്‍ നിന്നാണ് അത് സംഭവിക്കുന്നത്. എന്നാല്‍ ഈ ബീജവും അണ്ഡവും ഉണ്ടാകുന്നതെങ്ങിനെ? നാം കഴിക്കുന്ന ഭക്ഷണങ്ങളില്‍ നിന്നും.. നാം കഴിക്കുന്ന ഏത് ഭക്ഷണവും മണ്ണിലേക്കായിരിക്കും അതിന്‍റെ മുരട് ചെന്നെത്തുന്നത്. അത് പച്ചക്കറിയായാലും, പഴങ്ങളായാലും ഇറച്ചിയോ മീനോ എന്തു തന്നെ ആയാലും.. ഒന്ന് ചിന്തിച്ചാല്‍ മനസ്സിലാക്കാവുന്ന കാര്യമേ ഉള്ളൂ, ഇതില്‍.. എന്നാലോ വിശാലമായ ചിന്തകളിലേക്ക് ഒരു കവാടവും ആണിത്...

അ ഇവിടെ നമുക്ക് ചിന്തിക്കാവുന്ന ഒരു വിഷയം എനിക്ക് തോന്നുന്നു, ഞാന്‍ പറയട്ടെ..

ഞ എന്താ മടിക്കുന്നേ.. ധൈര്യമായി പറഞ്ഞോളു...

(തുടരും...)